 |
| Omslagontwerp en uitleg deur Stella Stofberg |
’n Pragtige volkleur kinderboek:
Oud en jonk sal hierdie
meesleurende stories en pragtige illustrasies van Pikkie Pikkewyn en sy gesin
geniet. Daar is ’n goeie balans tussen pret, humor en plesier teenoor ernstige
gebeure en die harde lesse wat die lewe ons soms leer. Cecilia Jacobs slaag
uitstekend daarin om die diere in die verhaal te vermenslik en elke ouer en
kind sal met die karakters kan identifiseer.
Die stories help kinders om
belangrike lewenswaardes soos eerlikheid, liefde en omgee te verstaan en hulle
eie te maak. Hulle word ook ingetrek om vaardighede soos probleemoplossing,
selfhandhawing, kritiese denke en kommunikasie te oefen. Op hierdie manier is Die
pikkewyne dink en doen uitstekende ondersteuning vir die inhoud van die
kurrikulum van kleuter- en laerskole, tot en met graad vier.
In die moderne konteks is die
benadering vars omdat die kinders in die stories nie behep is met moderne
tegnologie nie. Hulle speel en neem deel aan sport en groot klem word gelê op
gesinsaktiwiteite. Wat veral beïndruk is die feit dat baie geld en besittings
nie noodsaaklik is vir geluk nie. Elke ouer en grootouer behoort hierdie
stories vir sy kind en kleinkind te lees.
Dr Nelia Louw
Gesins- en Geslagsopvoedkundige
Bestellings:
Cecilia Jacobs
083 226 0155
jcelia@telkomsa.net
No comments:
Post a Comment